«Real»ning yangi bosh murabbiyi Joze Mourinio Madrid klubi uning qo‘l ostida qaysi taktik sxema bo‘yicha o‘ynashi haqida bir to‘xtamga keldi.
Jurnalist Mario Kortegananing xabar berishicha, portugaliyalik mutaxassis jamoa ikki tayanch yarimhimoyachi bilan «4-2-3-1» sxemasi bo‘yicha o‘ynashi kerak deb hisoblamoqda. Bir tayanch yarimhimoyachi o‘z pozitsiyasida qat’iy turib, mudofaa vazifalarini bajarishi kerak. Bu o‘rinni Oreliyen Chuameni egallashi mumkin. Ikkinchi tayanch yarimhimoyachiga maydonda nisbatan erkinlik beriladi. Bu yoki Federiko Valverde, yoki agar «Real» transferini rasmiylashtirsa, yangi yarimhimoyachi bo‘lishi mumkin.
Eslatib o‘tamiz, 2025/26-yilgi mavsum yakunlari bo‘yicha «Real» La Ligada 2-o‘rinni egallab, chempionlikni «Barselona»ga boy bergandi.
