Madridning «Real» klubi sobiq yarimhimoyachisi Toni Kroos «PSJ»ning Chempionlar ligasidagi ehtimoliy g‘alabasi haqida fikr bildirdi. Germaniyalik sobiq futbolchi Fransiya klubining ushbu turnirda ketma-ket uchinchi marta chempion bo‘lishini istamasligini ta’kidladi.
«Men «PSJ» Chempionlar ligasida ketma-ket uchinchi marta g‘olib chiqishini istamayman. Buning uchun o‘zimning muayyan sabablarim bor», — deya Kroosning so‘zlarini keltiradi Madrid Xtra.
Chempionlar ligasida ketma-ket uchta sovrinni qo‘lga kiritgan so‘nggi jamoa «Real» hisoblanadi. Madridliklar 2016, 2017 va 2018-yillarda musobaqada g‘olib chiqqan.
«PSJ» esa avvalgi ikki mavsumda Chempionlar ligasi g‘olibiga aylangan. Luis Enrike boshqaruvidagi jamoa ushbu mavsumda ham sovrin uchun kurashmoqda.
Ma’lumot uchun, «Real» 2016–2018-yillarda Zinedin Zidan boshqaruvida Chempionlar ligasida ketma-ket uch marta g‘olib chiqqan.
Eslatib o‘tamiz, «PSJ» ushbu mavsumdagi umumiy bosqichning dastlabki uchta bahsida g‘alaba qozonib, turnir jadvalida peshqadamlik qilmoqda.
