"PSJ" himoyachisi Markinos bu yozda jamoani tark etishni rejalashtirmayapti. Bu haqda jurnalist Abdulloh Bulma xabar berdi.
Turli mish-mishlarga qaramay, braziliyalik futbolchi kelasi mavsumda ham parijliklar safida qolishni istamoqda. Endi barchasi "PSJ"ning pozitsiyasiga bog'liq bo'ladi, chunki klub yangi markaziy himoyachi qidirish ishlarini faol olib bormoqda.
Ma'lumot o'rnida, Markinos 2013 yilda "Roma"dan "PSJ"ga 31 million yevro evaziga ko'chib o'tgan. Uning Parij klubi bilan shartnomasi 2028 yil 30 iyunga qadar amal qiladi.
Avvalroq Markinos Chempionlar Ligasidagi o'yinlar soni bo'yicha braziliyaliklar rekordini yangilagani ma'lum qilingandi.
