«Manchester Siti» klubi yarimhimoyachi Enso Fernandesni «Chelsi»dan sotib olishga yaqin turibdi. Shu bilan birga klub Niko Gonsales bilan xayrlashishni rejalashtirmoqda. Ispaniyalik futbolchi «Nyukasl» safiga ko‘chib o‘tadi. Bu haqda italiyalik jurnalist Janluka Di Marsio xabar berdi.
Klub argentinalik xavbek transferini shu hafta rasmiylashtirishni maqsad qilgan. O‘z navbatida «Chelsi»ning talab qilayotgan summasi yanada ko‘tarildi — avvalgi 120 mln yevro o‘rniga londonliklar endi 140 mln yevro talab qilmoqda. Fernandesning o‘zi ushbu trasferga rozilik bildirdi va yana «shaharliklar» ustozi Enso Mareska bilan birga ishlash niyatida.
Parallel ravishda «Manchester Siti» Niko Gonsales bilan xayrlashish harakatida: yarimhimoyachi «Nyukasl» bilan shartnoma imzolashi kutilmoqda.
Ma’lumot uchun, Enso Fernandes 2023-yil yanvar oyidan buyon «Chelsi» sharafini himoya qilib kelmoqda. Uning 2032-yil yozigacha mo‘ljallangan shartnomasi bor.
Transfermarkt portali futbolchining aktual transfer narxini 100 mln yevroga baholamoqda.
