«Манчестер Сити» клуби яримҳимоячи Энцо Фернандесни «Челси»дан сотиб олишга яқин турибди. Шу билан бирга клуб Нико Гонсалес билан хайрлашишни режалаштирмоқда. Испаниялик футболчи «Нюкасл» сафига кўчиб ўтади. Бу ҳақда италиялик журналист Жанлука Ди Марцио хабар берди.
Клуб аргентиналик хавбек трансферини шу ҳафта расмийлаштиришни мақсад қилган. Ўз навбатида «Челси»нинг талаб қилаётган суммаси янада кўтарилди — аввалги 120 млн евро ўрнига лондонликлар энди 140 млн евро талаб қилмоқда. Фернандеснинг ўзи ушбу трасферга розилик билдирди ва яна «шаҳарликлар» устози Энцо Мареска билан бирга ишлаш ниятида.
Параллел равишда «Манчестер Сити» Нико Гонсалес билан хайрлашиш ҳаракатида: яримҳимоячи «Нюкасл» билан шартнома имзолаши кутилмоқда.
Маълумот учун, Энцо Фернандес 2023 йил январ ойидан буён «Челси» шарафини ҳимоя қилиб келмоқда. Унинг 2032 йил ёзигача мўлжалланган шартномаси бор.
Transfermarkt портали футболчининг актуал трансфер нархини 100 млн еврога баҳоламоқда.
