«Тоттенҳэм» ва «Манчестер Сити» «Ливерпул» вингери Коди Гакпони трансфер қилишга қизиқиш билдирмоқда. Бу ҳақда инсайдер Экрем Конур ижтимоий тармоқларда хабар берди.
«Тоттенҳэм» 27 ёшли футболчи учун 70 миллион евро таклиф қилган, бироқ «Ливерпул» бу таклифни рад этган. Мерсисайдликлар нидерландиялик футболчининг трансферидан 85 миллион евро ишлаб олишни истамоқда.
«Манчестер Сити» эса Гакпонинг агенти билан музокараларни бошлаган.
Маълумот учун, Гакпо 2023 йил январидан буён «Ливерпул» сафида тўп тепмоқда. Унинг клуб билан шартномаси 2030 йил июнигача амал қилади. Тransfermarkt футболчининг бозор қийматини 60 миллион еврога баҳоламоқда.
