«Барселона» клубининг нидерландиялик яримҳимоячиси Френки де Йонг кетиши мумкинлиги ҳақидаги миш-мишларга қарамай, жамоада қолади. Бу ҳақда Diario SPORT нашри хабар берди.
Манбанинг маълумотларига кўра, «Манчестер Сити» чиндан ҳам де Йонг трансферига қизиққан, аммо футболчининг жароҳати клуб режаларини ўзгартириб юборган. Натижада «шаҳарликлар» Эллиот Андерсон ва Айюб Буаддини харид қилди.
Таъкидланишича, «Барселона» де Йонгга ишонишда давом этади ва яримҳимоячининг ўзи ҳам клубда қолиб, асосий таркиб учун курашишни ният қилган.
Эслатиб ўтамиз, 29 ёшли де Йонг ўтган мавсум барча мусобақаларни инобатга олганда 38 та ўйинда майдонга тушиб, 1 та гол урди ва 8 та голли узатма етказиб берди.
