Bu haqda The Financial Times xabar bermoqda.
«Liverpul»ga egalik qiluvchi Amerikaning Fenway Sports Group sarmoya kompaniyasi rahbariyati klubning minoritar ulushini sotish bo‘yicha muzokaralar olib bormoqda.
Manba ma’lumotlariga ko‘ra, xaridor britaniyalik-hindistonlik tadbirkor va «Kuinz Park Reynjers» egasi Amit Bxatiya boshchiligidagi investorlar konsorsiumi bo‘lishi mumkin. Bitimni dunyodagi eng yirik po‘lat ishlab chiqaruvchi ArcelorMittal kompaniyasiga egalik qiluvchi Mittal oilasi ham qo‘llab-quvvatlamoqda. Qayd etilishicha, agar sotuv muvaffaqiyatli amalga oshsa, «Liverpul»ning qiymati 6 milliard dollardan (5,25 milliard yevro) oshadi - bu futbol klubi bilan tarixdagi eng yirik bitimlardan biri bo‘ladi.
FSG allaqachon konsorsium bilan muzokaralar olib borilganini tasdiqlagan, biroq hozircha hech qanday kelishuvga erishilmaganini ta’kidlagan.
Eslatib o‘tamiz, o‘tgan mavsumda «Liverpul» Angliya Premer-ligasi musobaqa jadvalida 5-o‘rinni egallagandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi