Бу ҳақда The Financial Times хабар бермоқда.
«Ливерпул»га эгалик қилувчи Американинг Fenway Sports Group сармоя компанияси раҳбарияти клубнинг миноритар улушини сотиш бўйича музокаралар олиб бормоқда.
Манба маълумотларига кўра, харидор британиялик-ҳиндистонлик тадбиркор ва «Куинз Парк Рейнжерс» эгаси Амит Бхатия бошчилигидаги инвесторлар консорциуми бўлиши мумкин. Битимни дунёдаги энг йирик пўлат ишлаб чиқарувчи ArcelorMittal компаниясига эгалик қилувчи Миттал оиласи ҳам қўллаб-қувватламоқда. Қайд этилишича, агар сотув муваффақиятли амалга ошса, «Ливерпул»нинг қиймати 6 миллиард доллардан (5,25 миллиард евро) ошади - бу футбол клуби билан тарихдаги энг йирик битимлардан бири бўлади.
FSG аллақачон консорциум билан музокаралар олиб борилганини тасдиқлаган, бироқ ҳозирча ҳеч қандай келишувга эришилмаганини таъкидлаган.
Эслатиб ўтамиз, ўтган мавсумда «Ливерпул» Англия Премер-лигаси мусобақа жадвалида 5-ўринни эгаллаганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади