La Liganing 32-turida «Rayo Valyekano» va «Real Sosyedad» o‘rtasidagi bahs 3:3 hisobida yakunlandi.
Hisobni 22-daqiqada Mikel Oyarzabal ochdi. 30-daqiqada Serxio Kamelyo muvozanatni tikladi. Ikkinchi bo‘limda Orri Oskarsson mehmonlarni yana oldinga olib chiqdi, 76-daqiqada esa Oyarzabal penaltidan dubl qayd etdi — 3:1.
Bahs oxirida «Rayo» kambek amalga oshirdi: 84-daqiqada Lejen hisobni qisqartirdi, 90+9-daqiqada esa Juravskiy muvozanatni tikladi.
90+12-daqiqada Isi Palason qizil kartochka olib, maydonni tark etdi.
Mazkur natijadan so‘ng «Real Sosyedad» 43 ochko bilan 8-o‘rinda bormoqda. «Rayo Valyekano» esa 39 ochko bilan 11-pog‘onani egallab turibdi.
La Liga. 32-tur
Rayo Valyekano – Real Sosyedad 3:3
Gollar: Oyarzabal 22 (0:1), Kamelyo 30 (1:1), Oskarsson 63 (1:2), Oyarzabal 76, penalti (1:3), Lejen 84 (2:3), Juravskiy 90+9 (3:3).
Chetlatish: Palason 90+12 (Rayo Valyekano).
