«Real» darvozaboni Tibo Kurtua jamoa bosh murabbiyi Joze Mourinyo bilan birga ishlash taassurotlari haqida fikr bildirdi.
«Mourinyo — juda talabchan murabbiy. U intizomga katta e'tibor qaratadi va alohida futbolchilardan ko'ra jamoani ustun qo'yadi. Menimcha, g'alaba qozonish uchun aynan shu jihatlar juda muhim.
U ajoyib murabbiy, inson sifatida esa juda ochiq. Hamma narsani qanday bo'lsa, shunday aytadi va bu menga yoqadi. Menimcha, biz ham aynan shu yo'ldan borishimiz kerak.
«Chelsi»da birga ishlaganmiz va Angliya Premer-ligasida g'olib chiqqanmiz. Albatta, u haqida menda yaxshi xotiralar qolgan. Shuning uchun yana uning qo'l ostida ishlayotganimdan xursandman. Umid qilamanki, bu yerda birgalikda ajoyib yillarni o'tkazamiz», — deya Kurtuaning so'zlaridan keltiradi Marca nashri.
Eslatib o'tamiz, Kurtua va Mourinyo avval «Chelsi»da birga ishlagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi