Keyn: «Messining chap oyog‘i berilsa, meni to‘xtatish deyarli imkonsiz bo‘lardi!»

Harri Keyn o‘z o‘yinida nimalarni yaxshilashi mumkinligi haqida fikr bildirdi.

«Bavariya» va Angliya milliy jamoasi hujumchisidan «Oltin to‘p» sohibi bo‘lgan futbolchida ham kamchiliklar bo‘ladimi?» deb so‘rashdi.

«Albatta! Har doim yaxshilashni istaydigan jihatlar topiladi. Bu faoliyatimni yakunlashga qaror qilgunimga qadar davom etadi, bunga hech qanday shubha yo‘q. Shu bilan birga, men hech qachon hozirgidek har tomonlama universal futbolchi bo‘lmaganman, deb hisoblayman. Jismoniy va ruhiy jihatdan maydonga tushganimda o‘zimni imkoniyatlarimning cho‘qqisida his qilaman.

O‘yinni tushunishim, bo‘sh hududlarni his qilishim, pozitsiya tanlashim, raqib himoyachilarini o‘zimga jalb qila olishim va vaziyatlarni golga aylantirishim — bularning barchasi hozir eng yuqori darajada. Buni mashg‘ulotlarda ham sezayapman, ayniqsa, gol urishimda yaqqol ko‘rinadi.

Shuning uchun o‘zimni har qachongidan ko‘ra universal futbolchi sifatida his qilyapman. Meni ilhomlantirayotgan narsa ham shu: hali ham ajoyib formadaman. Qanchalik yuqori cho‘qqilarga erisha olaman? Rivojlanishda va yanada yaxshiroq bo‘lishda davom etamanmi? Buni vaqt ko‘rsatadi», — dedi Keyn.

33 yoshli futbolchi France Football tomonidan mavsumning eng yaxshi futbolchisiga beriladigan mukofotning avvalgi g‘oliblaridan birining xususiyatini o‘zlashtirishni istashini ham tan oldi.

«Agar Messining chap oyog‘iga ega bo‘lib qolsam, meni to‘xtatish deyarli imkonsiz bo‘lardi!» — deya tabassum bilan qo‘shimcha qildi Keyn.