40 yoshli Milner marafonda 42 km masofani bosib o‘tdi

40 yoshli Jeyms Milner Nyu-York marafonida ishtirok etdi.

Norasmiy ma’lumotlarga ko‘ra, sobiq futbolchi 42,195 kilometr masofani 3 soat 9 daqiqa 4 soniyada bosib o‘tgan.

Milner o‘tgan yozda professional futbolchilik faoliyatini yakunlagandi. U faoliyati davomida «Nyukasl», «Aston Villa», «Manchester Siti», «Liverpul», «Brayton» va «Svindon» klublarida to‘p tepgan.

Sobiq yarim himoyachi Angliya Premyer-ligasida 658 ta bahsda maydonga tushgan. Bu musobaqa tarixidagi rekord hisoblanadi.

Ingliz futbolchisi uchta klub safida jami 13 ta sovrinni qo‘lga kiritgan: «Nyukasl» bilan 1 ta, «Manchester Siti» bilan 5 ta va «Liverpul» bilan 7 ta.

Shuningdek, Milner Angliya milliy jamoasi safida 61 ta o‘yinda ishtirok etgan.