Jahon chempionati guruh bosqichi 1-turidan oʻrin olgan Oʻzbekiston — Kolumbiya oʻyini chiptalar savdosi boʻyicha turnirda eng yaxshi natija qayd etmoqda. Bu haqda oʻzbekistonlik futbol mutaxassisi Alisher Nikimbaev xabar berdi.
«Dastlabki maʼlumotlarga koʻra, Oʻzbekiston — Kolumbiya uchrashuvi uchun 74 725 ta chipta sotilgan. Ayni paytda bu koʻrsatkich jahon chempionatining boshqa har qanday oʻyinidan koʻproq.
Jumladan, ochilish oʻyini boʻlgan Meksika — Janubiy Afrika Respublikasi (73 373) va Braziliya — Marokash (73 719) bahslari ham bu borada ortda qolmoqda», — deyiladi xabarda.
Avvalroq Fabio Kannavaro mundial oldidan oʻzbekistonlik muxlislarga murojaat qilgandi.
