Rimning «Latsio» klubi ustozi Jennaro Gattuzo «Milan»ga qarshi bo‘sh tribunalarda o‘tgan o‘yinda g‘alati hislarni boshdan kechirganini tan oldi.
Uning so‘zlariga ko‘ra, jamoa ishqibozlar tomonidan qo‘llab-quvvatlanmaslikni to‘laqonli his qilgan.
«Bugun muxlislar Formelloga kelib, bizni stadionga qadar kuzatib qo‘yishdi — bu yigitlarning xizmati. Biz bugungidek o‘yin namoyish etishda davom etishimiz kerak, qolganini esa vaqt ko‘rsatadi. Men uchun bo‘sh stadionlardagi futbol — bu futbol emas, lekin bu borada biz ojizmiz. Ishlashda davom etamiz. Go‘yoki kovid davrlariga qaytib qolgandek his qilyapman: bizga muxlislar juda yetishmayapti», — deya Gattuzoning so‘zlaridan iqtibos keltiradi pianetamilan.it nashri.
Eslatib o‘tamiz, «Latsio» A Seriyaning 4-tur bellashuvida «Milan» bilan durang qayd etdi.
