Римнинг «Лацио» клуби устози Женнаро Гаттузо «Милан»га қарши бўш трибуналарда ўтган ўйинда ғалати ҳисларни бошдан кечирганини тан олди.
Унинг сўзларига кўра, жамоа ишқибозлар томонидан қўллаб-қувватланмасликни тўлақонли ҳис қилган.
«Бугун мухлислар Формеллога келиб, бизни стадионга қадар кузатиб қўйишди — бу йигитларнинг хизмати. Биз бугунгидек ўйин намойиш этишда давом этишимиз керак, қолганини эса вақт кўрсатади. Мен учун бўш стадионлардаги футбол — бу футбол эмас, лекин бу борада биз ожизмиз. Ишлашда давом этамиз. Гўёки ковид даврларига қайтиб қолгандек ҳис қиляпман: бизга мухлислар жуда етишмаяпти», — дея Гаттузонинг сўзларидан иқтибос келтиради pianetamilan.it нашри.
Эслатиб ўтамиз, «Лацио» А Сериянинг 4-тур беллашувида «Милан» билан дуранг қайд этди.
