«Фиорентина»нинг аргентиналик янги футболчиси Франко Мастантуоно «Венеция»га қарши учрашувда ҳет-трик қайд этди. «Бинафшаранглилар» 4:2 ҳисобида ғалаба қозониб, мавсумдаги илк ғалабасини қўлга киритди.
Ушбу натижадан сўнг Мастантуоно 19 ёш-у 28 кунлигида «Фиорентина» сафида А Сериянинг битта ўйинида бирдан ортиқ гол урган клуб тарихидаги энг ёш футболчига айланди.
Аввалги рекорд 1974 йил март ойида ўрнатилганди. Ўшанда Клаудио Дезолати 19 ёш-у 52 кунлигида «Торино» дарвозасига иккита гол урган.
Италия чемпионатининг навбатдаги турида «Фиорентина» 20 сентябр куни «Наполи»га қарши майдонга тушади.
