Италиянинг «Фиорентина» клуби раҳбарияти 2026/2027 йилги мавсум якунлангач, дарвозабон Давид де Хеа билан хайрлашиш имкониятини кўриб чиқмоқда. Бу ҳақда Corriere dello Sport нашри хабар берди.
Маълум қилинишича, клуб мутасаддилари 36 ёшли испаниялик посбоннинг сўнгги пайтлардаги ўйинларидан қониқмаяпти. Раҳбарият унинг майдондаги ҳаракатлари ва кўрсатаётган натижаларидан норози.
Бундан ташқари, де Хеанинг юқори маоши ҳам «Фиорентина»ни ташвишлантирмоқда. Дарвозабон солиқлар ҳисобга олинган ҳолда йилига 3,5 миллион евро маош олади.
Эслатиб ўтамиз, испаниялик футболчи 2024 йил август ойида Флоренция клубига келиб қўшилган эди. Унинг амалдаги шартномаси 2028 йил июн ойи охиригача мўлжалланган.
Айни пайтда де Хеанинг трансфер қиймати 3,5 миллион еврога баҳоланмоқда. Аввалроқ «Фиорентина» бош мураббий Фабио Гроссо билан хайрлашгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади