Angliya professional futbolchilar assotsiatsiyasi (PFA) Brunu Fernandeshni APLning o'tgan mavsumdagi eng yaxshi o'yinchisi deb topdi.
«Manchester Yunayted»ning porugaliyalik 31 yoshli futbolchisi ovoz berish jarayonida Rayan Sherki, Erling Holand (ikkalasi — «Manchester Siti»), Gabriel Magalyas, David Raya va Deklan Raysni (barchasi — «Arsenal») ortda qoldirdi.
Eslatib o'tamiz, Brunu avvalroq APL hamda futbol jurnalistlari assotsiatsiyasi talqiniga ko'ra ham mavsumning eng yaxshi o'yinchisi deb topilgan edi.
O'tgan mavsumda futbolchi «qizil iblislar» safida ligada 35 ta uchrashuvda maydonga tushib, 21 ta assistga mualliflik qilgandi.
