Англия профессионал футболчилар ассоциацияси (PFA) Бруну Фернандешни АПЛнинг ўтган мавсумдаги энг яхши ўйинчиси деб топди.
«Манчестер Юнайтед»нинг поругалиялик 31 ёшли футболчиси овоз бериш жараёнида Райан Шерки, Эрлинг Холанд (иккаласи — «Манчестер Сити»), Габриэл Магальяэс, Давид Райя ва Деклан Райсни (барчаси — «Арсенал») ортда қолдирди.
Эслатиб ўтамиз, Бруну аввалроқ АПЛ ҳамда футбол журналистлари ассоциацияси талқинига кўра ҳам мавсумнинг энг яхши ўйинчиси деб топилган эди.
Ўтган мавсумда футболчи «қизил иблислар» сафида лигада 35 та учрашувда майдонга тушиб, 21 та ассистга муаллифлик қилганди.
