«Barselona» yarimhimoyachisi Fermin Lopes bosh murabbiy Hans-Diter Flik bilan o‘rtasidagi iliq munosabatlar haqida fikr bildirdi.
«Biz juda yaxshi munosabatlarni shakllantirdik. U boshidanoq menga nafaqat futbol maydonida, balki undan tashqarida ham yordam berdi. Shu ikki yil davomida Flik tufayli juda katta o‘sishga erishdim. Uning qo‘l ostida juda yaxshi o‘yin ko‘rsatyapman», — dedi Lopes diariARA nashriga bergan intervyusida.
Ma’lumot uchun, Hans-Diter Flik 2024 yildan buyon «Barselona»ni boshqarib kelmoqda. Uning qo‘l ostida kataloniyaliklar ikki marta Ispaniya chempionligini qo‘lga kiritgan, shuningdek, Ispaniya Kubogi va ikki marta mamlakat Superkubogida g‘alaba qozongan.
Eslatib o‘tamiz, 61 yoshli germaniyalik mutaxassisning «Barselona» bilan amaldagi shartnomasi 2028 yilgacha amal qiladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi