"Barselona" yarimhimoyachisi Fermin Lopes "Manchester Siti" futbolchisi Rodri jamoaga kelib qo'shilishi haqida fikr bildirdi.
"Rodri — buyuk futbolchi. U "Oltin to'p" sohibi va jahon chempioni hisoblanadi. Men u bilan Ispaniya milliy jamoasida birga o'ynaganman.
Men uchun Rodri hozirda dunyodagi eng yaxshi tayanch yarimhimoyachi. U "Barselona"ga juda ko'p narsa bera oladi", — deya Lopesning so'zlarini keltiradi diariARA.
Ma'lumot o'rnida, Rodri 2019 yildan buyon "Manchester Siti" safida o'ynab kelmoqda. O'tgan mavsumda 30 yoshli yarimhimoyachi 33 ta uchrashuvda maydonga tushib, 2 ta gol urdi.
Avvalroq Fermin "Barselona"da bo'lish baxtini pulga sotib olib bo'lmasligi haqida gapirib o'tgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi