«Барселона» яримҳимоячиси Фермин Лопес бош мураббий Ҳанс-Дитер Флик билан ўртасидаги илиқ муносабатлар ҳақида фикр билдирди.
«Биз жуда яхши муносабатларни шакллантирдик. У бошиданоқ менга нафақат футбол майдонида, балки ундан ташқарида ҳам ёрдам берди. Шу икки йил давомида Флик туфайли жуда катта ўсишга эришдим. Унинг қўл остида жуда яхши ўйин кўрсатяпман», — деди Лопес diariARA нашрига берган интервюсида.
Маълумот учун, Ҳанс-Дитер Флик 2024 йилдан буён «Барселона»ни бошқариб келмоқда. Унинг қўл остида каталонияликлар икки марта Испания чемпионлигини қўлга киритган, шунингдек, Испания Кубоги ва икки марта мамлакат Суперкубогида ғалаба қозонган.
Эслатиб ўтамиз, 61 ёшли германиялик мутахассиснинг «Барселона» билан амалдаги шартномаси 2028 йилгача амал қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади