Madridning «Real» klubi ichida Joze Mourinioning bosh murabbiy etib tayinlangani to‘g‘ri qaror bo‘lganiga ishonch tobora kuchaymoqda. AS nashri xabariga ko‘ra, portugaliyalik mutaxassisning jamoani boshqara boshlaganidan keyingi vaziyat Xabi Alonso davridagidan keskin farq qilmoqda.
Mourinio «Real»dagi odatlar, qoidalar va ish tartibiga o‘zgarishlar kiritgan. U har bir futbolchi bilan alohida suhbatlashib, jamoa va o‘yinchilardan nimalarni kutayotganini tushuntirgan. Shuningdek, avval tarkibda o‘ziga joy topa olmagan futbolchilarga ham o‘zini ko‘rsatish imkoniyatini bergan.
«Qirollik klubi» ichida Mourinioning ishiga baho berar ekan, «eng yaxshi transfer zaxira o‘rindig‘ida», degan fikr bildirilmoqda.
Qayd etilishicha, portugaliyalik mutaxassis o‘z g‘oyalarini futbolchilarga majburan singdirmayapti, aksincha, ularni o‘z qarashlariga ishontirishga harakat qilmoqda.
