Мадриднинг «Реал» клуби ичида Жозе Моуринионинг бош мураббий этиб тайинлангани тўғри қарор бўлганига ишонч тобора кучаймоқда. АS нашри хабарига кўра, португалиялик мутахассиснинг жамоани бошқара бошлаганидан кейинги вазият Хаби Алонсо давридагидан кескин фарқ қилмоқда.
Моуринио «Реал»даги одатлар, қоидалар ва иш тартибига ўзгаришлар киритган. У ҳар бир футболчи билан алоҳида суҳбатлашиб, жамоа ва ўйинчилардан нималарни кутаётганини тушунтирган. Шунингдек, аввал таркибда ўзига жой топа олмаган футболчиларга ҳам ўзини кўрсатиш имкониятини берган.
«Қироллик клуби» ичида Моуринионинг ишига баҳо берар экан, «энг яхши трансфер захира ўриндиғида», деган фикр билдирилмоқда.
Қайд этилишича, португалиялик мутахассис ўз ғояларини футболчиларга мажбуран сингдирмаяпти, аксинча, уларни ўз қарашларига ишонтиришга ҳаракат қилмоқда.
