Argentina milliy jamoasi darvozaboni Emiliano Martines JCh-2026 finalidagi mag‘lubiyatdan so‘ng milliy jamoadagi faoliyatini yakunlashi mumkinligiga ishora qildi.
Eslatib o‘tamiz, Argentina mundial finalida Ispaniyaga qo‘shimcha bo‘limlarda 0:1 hisobida imkoniyatni boy berib, jahon chempionligi unvonini himoya qila olmadi.
33 yoshli «Aston Villa» posboni Instagram sahifasida hissiyotlarga boy murojaat e'lon qildi.
«Biz yana jahon chempioni bo‘lishni orzu qilgandim. Kubokni yana Argentinaga olib borishni va tarixga yana bir bor kirishni xohlagandim.
Bu og‘riqni so‘z bilan ifodalash qiyin. Endi ko‘p narsani o‘ylab ko‘rish, vaqt o‘tayotganini anglash va balki chetga chiqish vaqti kelmaganmikan, degan savolni o‘zimga berish qolmoqda.
Mamlakatim va jamoadoshlarimga yordam berish uchun qo‘limdan kelgan barcha ishni qildim. Afsusdaman.»
Qayd etish joiz, Emiliano Martines 2022 yilgi Jahon chempionatida Argentinaning chempion bo‘lishida hal qiluvchi rol o‘ynagan va musobaqaning eng yaxshi darvozaboni deb topilgandi. Hozircha uning milliy jamoadagi kelajagi borasida rasmiy qaror e'lon qilinmagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi