Bu haqda La Gazzetta dello Sport xabar berdi.
Niderlandiyalik forvard Joshua Zirkze A Seriyaga qaytishi mumkin.
Manba ma’lumotlariga qaraganda, «Yuventus» futbolchi transferiga qiziqish bildirgan. Turin klubi bosh murabbiyi Luchano Spalletti anchadan buyon forvardning iqtidori muxlisi hisoblanadi.
«Manchester Yunayted» futbolchisi bilan 35-40 million yevro evaziga xayrlashishga tayyor.
Ma’lumot uchun, Joshua Zirkze «Manchester Yunayted»ga 2024-yilda «Bolonya»dan 42 million yevro evaziga ko‘chib o‘tgan. Uning amaldagi shartnomasi 2029-yil 30-iyunga qadar mo‘ljallangan.
O‘tgan mavsumda hujumchi «qizil iblislar» safidagi 26 o‘yinda 2 ta gol urdi va 1 ta golli uzatma yetkazib berdi.
