FIFA toifasidagi angliyalik hakam Entoni Teylor 47 yoshida hakamlik faoliyatini yakunladi.
«Eng yuqori darajada ishlash men uchun beqiyos sharaf bo'ldi. Biroq bu darajada bosim juda katta va faoliyatingiz doimo kuzatuv ostida bo'ladi. Endi keyingi faoliyatimga qadam tashlash vaqti keldi.
Yon hakamlarim Gari Besvik va Adam Nannaga, barcha hamkasblarimga hamda shu yillar davomida meni qo'llab-quvvatlagan barcha insonlarga minnatdorchilik bildiraman. Ayniqsa, faoliyatim davomidagi barcha sinovlarda menga doimo tayanch bo'lgan oilam va do'stlarimga alohida rahmat aytaman», — dedi Teylor.
Teylor faoliyati davomida Angliya Premer-ligasida 433 ta uchrashuvni boshqardi. Shuningdek, u klublar va milliy jamoalar ishtirokidagi ko'plab xalqaro o'yinlarda ham hakamlik qildi.
Umuman olganda, u 831 ta rasmiy uchrashuvda ishladi. Uning faoliyatidagi so'nggi o'yin 2026 yilgi jahon chempionati 1/8 finalida Portugaliya va Ispaniya o'rtasidagi bahs bo'ldi.
Muxlislar bu yangilikni Telegram’da muhokama qilmoqda
Izohlar Telegram’da ochiladi