Fransiya milliy jamoasi bosh murabbiyi Dide Desham Kot-d'Ivuarga qarshi o‘rtoqlik uchrashuvidagi (1:2) mag‘lubiyatga izoh berdi.
«Mag'lubiyat zavq keltirmaydi. Birinchi bo‘limda yaxshi vaziyatlarga ega bo‘lsak-da, yutqazdik. Ko‘p sonli almashtirishlar yordam bermadi, o‘yinni boshlaganlarga nisbatan o‘zaro tushunish kamaydi. 16 iyun kuni bizga xuddi shunday saviyadagi raqib — Senegal qarshi chiqadi. Bahonaga o‘rin yo‘q. Afrika jamoalari Fransiyaga qarshi o‘ynaganda, ular doim maksimal darajada ruhlangan bo‘ladi, zichlik qo‘shadi.
Bu ogohlantiruvchi qo‘ng‘iroq edi, biz uni qabul qildik. Men vaziyatni dramatiklashtirmoqchi emasman, xuddi g‘alabani haddan tashqari yuqori baholamagan bo‘lganim kabi. Bu tayyorgarlik bosqichi va afsuski, natija tufayli u salbiy yakunlandi», — deya Deshamning so‘zlaridan iqtibos keltiradi L'Équipe.
