«CHelsi» himoyachi Malo Gyusto yozda jamoasini o'zgartirishi mumkin. Bu haqda jurnalist Saymon Filips xabar berdi.
Qayd etilishicha, agar «ko'klar» munosib taklif olsa, fransiyalik 23 yoshli futbolchini qo'yib yuboradi. Futbolchining agenti «Manchester Siti» va «Inter» vakillari bilan allaqachon muzokaralar o'tkazgan.
Yakunlangan klub mavsumida Gyusto barcha turnirlarda 49 ta uchrashuvda ishtirok etib, raqiblar darvozasini 3 bor ishg'ol etdi va 5 ta golli uzatmaga mualliflik qildi.
Transfermarkt portali ma'lumotlariga ko'ra, himoyachining bozor qiymati 35 million evroni tashkil qiladi.
