Madridning «Real» klubi yarimhimoyachisi Jud Bellinghem Angliya milliy jamoasi tarixidagi uchinchi eng yosh sardorga aylandi.
23 yoshli futbolchi Millatlar ligasining Chexiyaga qarshi bahsida 71-daqiqada Harri Keynning o‘rniga maydonga tushdi va undan sardorlik bog‘ichini qabul qilib oldi. Shu tariqa Bellinghem «uch sherlar» tarixida sardor sifatida maydonga tushgan eng yosh futbolchilar orasida uchinchi o‘ringa chiqdi.
Madrid Zone ma’lumotiga ko‘ra, Angliya milliy jamoasi tarixida undan yoshroq sardor bo‘lgan futbolchilar Bobbi Mur va Maykl Ouen hisoblanadi.
Eslatib o'tamiz, Chexiyaga qarshi bahsda Angliya 2:0 hisobida g‘alaba qozondi. G‘oliblar safida Entoni Gordon va Harri Keyn gol urdi. Bellingem esa bahsning so‘nggi qismida jamoasiga sardor sifatida boshchilik qildi.
Yarimhimoyachi 2020-yilda Angliya milliy jamoasidagi debyutidan buyon 58 ta bahsda maydonga tushib, 13 ta gol va 12 ta golli uzatmaga mualliflik qilgan.
Ma’lumot uchun, Angliyaning navbatdagi bahsi 3-oktabr kuni Xorvatiyaga qarshi o‘tkaziladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi