«Arsenal» yarimhimoyachisi Martin Subimendi jamoani tark etishi mumkin. Marca nashrining xabar berishicha, futbolchini qo‘lga kiritish uchun asosiy da’vogarlardan biri «Atletiko» klubi hisoblanadi.
Ma’lum qilinishicha, londonliklar budjet muvozanatini saqlash uchun mablag‘ to‘plashi va bir qator futbolchilarni sotishi kerak. «To‘pchilar» rahbariyati faqat asosiy tarkib o‘yinchilari bilan shartnomalarni uzaytirishni rejalashtirmoqda. Qolgan futbolchilar esa klubning moliyaviy holatini yaxshilash maqsadida transferga qo‘yiladi.
«Atletiko» yuzaga kelgan vaziyatdan foydalanmoqchi. Madridliklar yarimhimoyachiga u hali «Real Sosiedad»da o‘ynagan paytidayoq qiziqish bildirgan. Biroq o‘shanda ispaniyalik futbolchi «Arsenal» bilan kelishuvga erishib bo‘lgan edi.
Bu mavsumda Martin barcha turnirlar doirasida 12 ta uchrashuvda maydonga tushdi. Shu vaqt ichida jami 380 daqiqa maydonda harakat qildi. U faqat Chempionlar ligasi doirasidagi «Slaviya»ga qarshi bahsni to‘liq o‘tkazgan.
