«Everton» vinger Jek Grilishning ijara shartnomasini muddatidan oldin bekor qilib, uni «Manchester Siti»ga qaytarishni rejalashtirmayapti. Bu haqda TEAMtalk xabar berdi.
Manbaga ko‘ra, klub so‘nggi intizomiy muammolardan keyin futbolchidan xalqaro tanaffus davridagi mashg‘ulotlarda o‘zini yaxshi tomondan ko‘rsatishini kutmoqda.
Eslatib o‘tamiz, 31 yoshli futbolchi jamoaning so‘nggi to‘rtta uchrashuvini o‘tkazib yubordi. U dastlabki bahsda kasalligi sabab ishtirok etmagan bo‘lsa, keyingi o‘yinlardagi yo‘qligi intizomiy muammolar bilan bog‘liq.
«Everton» rahbariyati va bosh murabbiy Devid Moyes futbolchidan voz kechish niyatida emas. Biroq ular Grilish bilan shaxsiy suhbat davomida uning zimmasidagi majburiyatlarni eslatib o‘tishgan.
Jek 23-noyabr kuni «Brentford»ga qarshi bahsda asosiy jamoa safiga qaytishi kutilmoqda.
