«Arsenal» «Yuventus» futbolchisi Kenan Yildizga jiddiy qiziqish bildirmoqda va uning transferi uchun qariyb 100 million yevro taklif qilishga tayyor. Bu haqda Tuttosport xabar berdi.
«To'pchilar»ning turkiyalik yulduzga qiziqishi haqida avval ham ko'p marta xabarlar tarqalgan edi, ammo hozirgacha rasmiy taklif yo'llanmagan.
Transfermarkt portaliga ko'ra, Kenanning narxi 75 million yevroni tashkil qiladi. Universal futbolchi vinger va hujumchi ortidagi yarimhimoyachi kabi pozitsiyalarda o'ynay oladi.
Ma'lumot o'rnida, Yildiz fevral oyida «Yuventus» bilan shartnomasini 2030 yilgacha uzaytirdi. Turinliklar esa uni sotilmaydigan futbolchi deb hisoblamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi