«Monza» hujumchisi Gustavo Varela faoliyatini Yevropaning top-klublaridan birida davom ettirishi mumkin. Bu haqda La Gazzetta dello Sport xabar berdi.
Ma’lum qilinishicha, 21 yoshli futbolchiga «Arsenal» va «Napoli» jiddiy qiziqish bildirmoqda. Neapolliklar yaqin vaqt ichida ehtimoliy transfer masalasida faollashishni rejalashtirmoqda. Shuningdek, Varelaning sobiq klubi «Benfika» ham uning o‘yinlarini kuzatib bormoqda.
Portugaliyalik hujumchi ushbu mavsumda barcha musobaqalarda 8 ta uchrashuvda maydonga tushib, 9 ta gol urdi va bitta golli uzatmani amalga oshirdi.
Ma’lumot o‘rnida, Transfermarkt ma’lumotlariga ko‘ra, futbolchining transfer narxi 5 million yevroni tashkil qiladi. Varela 2026 yilning yozida «Benfika»dan «Monza»ga ko‘chib o‘tgan va Italiya klubi bilan 2030 yil 30 iyunga qadar shartnoma imzolagan.
