«Arsenal» yarimhimoyachisi Deklan Rays London klubi bilan yangi shartnoma borasida kelishuvga erishdi. Jurnalist Ben Jyeykobsning X ijtimoiy tarmog‘ida xabar berishicha, tomonlar 5 yilga mo‘ljallangan bitimni kelishib olgan.
Manbaga ko‘ra, Angliya milliy jamoasi futbolchisi yangi shartnoma orqali yaxshilangan shartlarga ega bo‘ladi. Avvalgi kelishuv 2028-yilgacha amal qilishi, shuningdek, uni yana bir mavsumga uzaytirish imkoniyati mavjud edi.
Rays ushbu mavsumda «Arsenal» safida barcha musobaqalarda 15 ta bahsda qatnashdi. U maydonda jami 1232 daqiqa harakat qilib, jamoaning eng ko‘p o‘yin amaliyotiga ega futbolchilaridan biriga aylandi.
London klubi tarkibidagi maydon futbolchilari orasida undan ko‘proq vaqtni faqat himoyachi Gabriel Magalyayns (1395 daqiqa) o‘tkazgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi