«Milan» bosh murabbiyi Ruben Amorim yangi mavsumda hamyurti Rafael Leauning xizmatlariga ehtiyoj sezmayapti.
Katta ehtimol bilan vinger shu yozda klubni tark etadi. «Rossoneri»ning yangi bosh murabbiyi 27 yoshli futbolchi o‘zining taktik uslubiga mos kelmaydi, deb hisoblaydi. Bu haqda La Gazzetta dello Sport nashri xabar berdi. Bundan tashqari mutaxassisga futbolchining kiyinish xonasidagi salbiy ta’siri yoqmayapti.
«Milan» Rafael Leau uchun so‘ralayotgan narxni pasaytirishga rozi – mish-mishlarga qaraganda ehtimoliy xaridorlar portugaliyalikni 40 mln yevro evaziga qo‘lga kiritishi mumkin. Ma’lumotlarga ko‘ra, Turkiyaning «Galatasaroy» klubi futbolchiga bo‘lgan qiziqishini yo‘qotmagan.
Eslatib o‘tamiz, Ruben Amorim iyun oyida Massimiliano Allegrining o‘rnini egallab, Italiya klubida ish boshladi.
