«Milan» sardori Mayk Menyan klubdagi kelajagi haqida o‘ylamoqda. La Gazzetta dello Sport xabariga ko‘ra, 30 yoshli darvozabon Massimiliano Allegri, sport direktori Igli Tare va darvozabonlar murabbiyi Klaudio Filippining iste’foga chiqarilganidan norozi.
Ayniqsa, Menyan Filippi bilan yaxshi munosabatda bo‘lgan. Bundan tashqari, «Milan» ketma-ket ikkinchi mavsum Chempionlar ligasida ishtirok eta olmaydi.
Ayni vaqtda Saudiya Arabistonining «An Nasr» klubi yangi darvozabon izlamoqda. Riyod jamoasi Menyanga «Milan»da olayotgan 7 million yevrodan yuqori maosh taklif qilishi mumkin.
Biroq futbolchining Saudiya Arabistoniga ko‘chib o‘tishga qanchalik tayyor ekani hozircha noma’lum.
Ma’lumot uchun, «Milan» rahbariyati va bosh murabbiy Ruben Amorim Menyan bilan uchrashib, uning kelajagi borasidagi vaziyatni muhokama qilishni rejalashtirmoqda. Klub fransiyalik darvozabonni jamoada saqlab qolishni istaydi, biroq uning xohishiga qarshi chiqmoqchi emas.
Muxlislar bu yangilikni Telegram’da muhokama qilmoqda
Izohlar Telegram’da ochiladi