«Милан» сардори Майк Менян клубдаги келажаги ҳақида ўйламоқда. La Gazzetta dello Sport хабарига кўра, 30 ёшли дарвозабон Массимилиано Аллегри, спорт директори Игли Таре ва дарвозабонлар мураббийи Клаудио Филиппининг истеъфога чиқарилганидан норози.
Айниқса, Менян Филиппи билан яхши муносабатда бўлган. Бундан ташқари, «Милан» кетма-кет иккинчи мавсум Чемпионлар лигасида иштирок эта олмайди.
Айни вақтда Саудия Арабистонининг «Ан Наср» клуби янги дарвозабон изламоқда. Риёд жамоаси Менянга «Милан»да олаётган 7 миллион евродан юқори маош таклиф қилиши мумкин.
Бироқ футболчининг Саудия Арабистонига кўчиб ўтишга қанчалик тайёр экани ҳозирча номаълум.
Маълумот учун, «Милан» раҳбарияти ва бош мураббий Рубен Аморим Менян билан учрашиб, унинг келажаги борасидаги вазиятни муҳокама қилишни режалаштирмоқда. Клуб франциялик дарвозабонни жамоада сақлаб қолишни истайди, бироқ унинг хоҳишига қарши чиқмоқчи эмас.
Мухлислар бу янгиликни Telegram’да муҳокама қилмоқда
Изоҳлар Telegram’да очилади