«Вулверҳэмптон» яримҳимоячиси Жоау Гомес фаолиятини «Астон Вилла»да давом эттиради.
Инсайдер Фабрицио Романонинг хабарига кўра, томонлар трансфер бўйича оғзаки келишувга эришган. Битим қиймати 40 миллион еврони ташкил этади, шунингдек, яна 5 миллион евро бонуслар кўзда тутилган.
Қайд этилишича, «Вулверҳэмптон» 38 миллион фунт стерлинглик таклифни қабул қилган ва футболчига тиббий кўрикдан ўтиш учун рухсат берган. Жоау Гомес машғулотларни тарк этиб, трансферни якунлаш учун Бирмингҳэмга йўл олган.
Эслатиб ўтамиз, 25 ёшли бразилиялик яримҳимоячи 2023 йилдан буён «Вулверҳэмптон» сафида тўп суриб келаётган эди. Унинг трансфери «Астон Вилла»нинг ёзги трансфер ойнасидаги энг йирик харидларидан бирига айланиши кутилмоқда.
