Жезуш Роналдуни захирага олгани ҳақида: «Вазият тақозоси билан тетик футболчи керак эди»

Португалия миллий жамоаси бош мураббийи Жорже Жезуш Уэлсга қарши баҳсда Криштиану Роналдуни нега алмаштирганини тушунтирди.

Миллатлар лигаси гуруҳ босқичи доирасидаги уй ўйинида Португалия 1:0 ҳисобида ғалаба қозонди. 41 ёшли ҳужумчи эса 67-дақиқада алмаштирилди, унинг 59-дақиқада урган голи офсайд сабабли бекор қилинди.

— Криштиану Роналдуни алмаштириш олдиндан режалаштирилганмиди ёки ўйин тақозоси билан амалга оширилдими?

— Вазият тақозо этди. Якунга 25 дақиқа қолганди ва ўйинни кучайтириш учун менга ҳеч бўлмаганда бир янги тетик футболчи керак эди. Балки ҳужумда Криштианудек сифатларга эга, тўпни ушлаб тура оладиган футболчи йўқолди, аммо мен Гонсалу Рамуш биринчи ҳимоя чизиғимизда тезликни таъминлай олишини билардим. Бу жуда муҳим эди.

Алмаштиришга қарор қилишимнинг яна бир сабаби — унда имкониятлар унчалик кўп бўлмади. Аммо ҳар қандай ҳолатда ҳам жамоадан мамнунман, — дея Жезушнинг сўзларини келтиради Record.