«Манчестер Сити» клуби ва Норвегия миллий жамоаси ҳужумчиси Эрлинг Ҳоланд викинглар тарихига бўлган қизиқиши ҳақида гапирди. Футболчи Норвегия учун катта тарихий аҳамиятга эга бўлган 1594 йилда чоп этилган «Қироллик сагалари» китобининг харид қилиниши муносабати билан ташкил этилган кўргазма ҳақида фикр билдирди.
9 ноябр куни футболчининг туғилиб ўсган Тима муниципалитетида ушбу китобга бағишланган мавзули кўргазма ташкил этилди.
«Викинглар тарихи мени доим қизиқтирган. Бу тарих, кундалик ҳаёт буюмлари ва кемалар мен учун жуда қизиқарли. Мен ўз орзум билан яшаяпман, аммо, афсуски, бундай имконият ҳаммага ҳам насиб этмайди. Китоблар кўплаб инсонларга орзу қилиш ва орзуларини рўёбга чиқаришда ёрдам беришини кўрганман», — дея Ҳоланднинг сўзларини келтиради VG.
Маълумот учун, «Қироллик сагалари» Норвегия тарихига оид қимматли манбалардан бири ҳисобланади. Китоб 1594 йилда чоп этилган.
