Португалия миллий жамоаси бош мураббийи Жорже Жезуш Миллатлар лигаси доирасида Данияга қарши олдидан ўз фикрлари билан ўртоқлашди.
«Кучли рақибга қарши ўйин кутиб турибди. Дания — кучли жамоа. Бизнинг мақсадимиз ғалабалар сериясини давом эттириш ва гуруҳда биринчи ўринни кафолатлаш. Сўнгги тўртта учрашув давомида айнан шу мақсад йўлида меҳнат қилдик.
Ишончим комилки, жамоамиз юқори савиядаги ўйин намойиш этади. Шу билан бирга, Дания миллий жамоасини ҳурмат қиламиз. Улар жисмонан бақувват жамоа бўлиб, таркибида Европанинг етакчи клубларида тўп тепадиган сифатли футболчилар бор», — дея Жезушнинг сўзларини келтирмоқда Record нашри.
Маълумот учун, Португалия ва Дания жамоалари ўртасидаги учрашув 14 ноябр куни Брага шаҳрида бўлиб ўтади.
