«Ювентус» «Манчестер Юнайтед» ҳужумчиси Жошуа Зиркзени ижарага олиш бўйича музокараларнинг якуний босқичига кирди. Бу ҳақда The Sun хабар берди.
Маълум қилинишича, 25 ёшли нидерландиялик ҳужумчи янги мавсумни Турин клуби сафида ўтказади. Шунингдек, «Ювентус» футболчини тахминан 20 миллион евро эвазига тўлиқ сотиб олиш ҳуқуқига ҳам эга бўлади.
Қайд этиш лозим, Жошуа 2024 йил июл ойидан буён «Манчестер Юнайтед» шарафини ҳимоя қилиб келмоқда. Унинг Англия клуби билан амалдаги шартномаси 2029 йил ёзига қадар мўлжалланган.
Аввалроқ «қизил иблислар» Зиркзе учун нарх белгилагани маълум қилинганди.
