«Ювентус» клуби ивуарлик яримҳимоячи Франк Кэссиэнинг вакиллари билан музокараларни бошлади. Бу ҳақда La Gazzetta dello Sport нашри хабар берди.
Маълумотларга кўра, туринликлар эркин агентлар бозори ҳисобидан таркибни кучайтиришни режалаштирмоқда. Клуб Франкдан ташқари «Бавария»нинг собиқ аъзоси Леон Горецкани ҳам диққат билан кузатмоқда.
Футболчи ўтган мавсумни «Ал Аҳли» сафида ўтказди. У фаолияти давомида «Аталанта», «Милан» ва «Барселона» клубларида ҳам тўп тепган. 2026 йилги жаҳон чемпионатида Кот-д'Ивуар сафида 4 та учрашувда иштирок этиб, 1 та гол урди.
Ўтган мавсумда «Ювентус» Италия А Сериясини 6-ўринда якунлаб, Европа лигасининг асосий босқичига йўлланма олди.
