Испания миллий жамоаси ҳужумчиси Ламине Ямал 2026 йил якунлари бўйича «Олтин тўп» учун имкониятлари ҳақида фикр билдирди. 19 ёшли футболчи мукофотдан кўра фаолиятидаги бошқа мақсадлар ҳам муҳим эканини таъкидлади.
«Мен овоз бермайман ва ким ғолиб бўлганини билмайман. Ҳеч нарсадан хабарим йўқ. Энди кутиш ва ўйнашда давом этиш қолади. Охир-оқибат, мен фақат ушбу «Олтин тўп» учун ўйнамайман. Мен ўзим, мухлислар, кейинги мавсум ва миллий жамоа учун ўйнайман. Ғалаба қозонишда давом этишни истайман», — дея Ямалнинг сўзларини Маrcа келтирди.
Ямал нуфузли индивидуал мукофот учун номзодлар қаторидан жой олган. «Олтин тўп» учун овоз бериш жараёни якунланган ва энди футболчи якуний натижаларни кутмоқда.
Испаниялик ҳужумчи бундан олдинги баҳсда миллий жамоасининг Хорватияга қарши 4:1 ҳисобидаги йирик ғалабасига катта ҳисса қўшди. Ямал ушбу беллашувда рақиб дарвозасини икки бор ишғол қилди.
Эслатиб ўтамиз, «Олтин тўп» соҳиби 26 октабр куни Лондонда ўтказиладиган маросимда эълон қилинади.
