Белгиялик яримҳимоячи Аксел Витсел фаолиятини Франция чемпионатида давом эттириши мумкин. Бу ҳақда L’Équipe хабар берди.
Қайд этилишича, «Ницца» 37 ёшли футболчи билан дастлабки келишувга эришган. Томонлар бир мавсумлик шартнома ва уни яна бир йилга узайтириш имкониятини муҳокама қилмоқда. Футболчи эса душанба куни клуб ихтиёрига етиб келиши кутилмоқда.
Маълумот ўрнида, Витсел «Жирона»дан кетганидан сўнг эркин агент мақомида қолган. Ўтган мавсумда у Испания чемпионатида 32 та учрашувда майдонга тушганди.
Аввалроқ «Ницца» ўтиш баҳсида «Сент-Этиен»ни енгиб, Франция олий дивизионида қолгани маълум қилинганди.
