2010 йилда Испания миллий жамоасини жаҳон чемпионлигига олиб чиққан собиқ бош мураббий Висенте дел Боске ҳозирги жамоа ҳақида ўз фикрларини билдирди.
«Менинг жамоам билан ҳозиргисини таққослай олмайман. Ҳозир таркибда 26 нафар футболчи бор ва уларнинг деярли барчаси майдонга тушишга тайёр.
Ламин Ямал ва Нико Уилямс ҳали ўзининг энг юқори спорт формасига чиқмаган бўлса-да, жуда юқори савияда ҳаракат қилмоқда. Шунингдек, Алекс Баена ва Микел Оярсабал ҳам ажойиб ўйин намойиш этмоқда. Оярсабал чизиқлар орасида жуда яхши ҳаракат қилади ва дарвоза олдида ҳам аниқ ўйнайди», — деди Дел Боске derbyderbyderby.it нашрига.
Собиқ мураббий амалдаги Испания миллий жамоаси кенг ва сифатли таркибга эга эканини алоҳида таъкидлаб, уни 2010 йилги чемпион жамоаси билан солиштириш тўғри эмаслигини айтди.
Эслатиб ўтамиз, Дел Боске бошқарувидаги Испания миллий жамоаси 2010 йилги жаҳон чемпионати финалида Нидерландияни Андрес Инестанинг қўшимча бўлимдаги голи эвазига мағлуб этиб, тарихидаги илк мундиал чемпионлигини қўлга киритган эди. Бугун эса испанлар ЖЧ-2026 финалида Аргентина миллий жамоасига қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади