«Тоттенҳэм» ҳимоячиси Микки ван де Вен, «Ливерпул», «Манчестер Юнайтед» ва «Челси» каби клублар қизиқишига қарамай, катта эҳтимол билан жамоасида қолади.
Омадсиз икки мавсумдан кейин футболчига бўлган қизиқиш ҳам аввалгидек эмас.
«Тоттенҳэм» собиқ ҳимоячиси Тоби Алдервейрелд трансфер амалга ошмаганининг сабабини тушунтириб берди.
Ҳамма Ван де Веннинг тезлиги ҳақида гапиради, аммо у яхши ҳимоячи. Бироқ унутмаслик лозим, «Тоттенҳэм» АПЛдан тушиб кетишга жуда яқин эди ва Микки мана шу жамоанинг бир бўлаги эди. Балки эҳтимолий харидорлар бу вазиятга қараб, футболчи «Тоттенҳэм» учун кўпроқ нарса қилиши керак эди, деб ҳисоблаётгандир.
25 ёшли Ван де Веннинг амалдаги шартномаси 2029 йилгача мўлжалланган. «Тоттенҳэм» футболчиси билан хайрлашиш ниятида эмас. Айниқса жамоадан аргентиналик ҳимоячи Кристиан Ромеро кетадиган бўлса.
