«Манчестер Сити»нинг собиқ ҳимоячиси Жон Стоунс Италия чемпионатига йўл олиши мумкин.
Инсайдер Экрем Конурнинг маълум қилишича, англиялик 32 ёшли футболчига «Ювентус» жиддий қизиқиш билдирмоқда.
Туринликлар бош мураббийи Лучано Спаллетти Стоунс трансферини шахсан қўллаб-қувватламоқда ва клуб раҳбарияти ҳам уни жамоага олиб келиш имкониятини муҳокама қилган.
Маълумот учун, Жон «Манчестер Сити»ни эркин агент сифатида тарк этди. У 2016 йилдан буён «шаҳарликлар» сафида тўп тепиб келаётганди.
Ўтган мавсумда у барча турнирларда 18 та учрашувда майдонга тушганди.
